GLAUBSCH DRAA?
oder
S Yysebahnphantom vo Basel

Basel dräumt. Mir graabe.
S Basler S-Bahn-Häärz schloot scho syt Joore .
S wird präsentiert, diskudiert, no Bäärn drait, wiider überaarbaitet, neu verpaggt –
und drotzdäm draait sich alles gfüült im Krais.
Zue Zyte, wo me z Basel sogaar von ere komplette Neugstaltig vo dr Innestadt
reedet, saage mir klaar:
Die unterirdisch S-Bahn vom Badische Bahnhof zum Bahnhof SBB het Voorfaart.
Aber gnueg gschwätzt, jetz wird buddlet.

D Pierrotglyggen übernimmt!
Als Muulwürf, wo sich em Fortschritt verschriibe hänn, styyge mer aaben in Basler
Untergrund und föön aa mit em Rohbau vo dr künftigen S-Bahn-Streggi…

Schritt für Schritt

Meter um Meter

mit Schalgg im Gnigg und ere Vision in unsere Häärze.
Verfolg unseri Etappezyyl wäärend de drey Fasnachtsdääg!
E Bligg uff dr Routeblaan längt.

Basel waartet villicht no, MIR NIT!