Danggschöön!
Ych ha mr am Moorge lang noch de siibe
verwunderet myyni Auge griiben
und dänggt: Jä, kaa’s denn syy,
isch d’Fasnacht wirgglig scho vrbyy?
Beraite mir, die letschte Pierrissimo-Döön im Oor,
uns scho uff dr Fasnachtsbummel voor?
Doch voorhäär möchti, daaas isch mr wichtig,
danggschöön saagen, und zwoor richtig
vo Häärze, denn daas Joor isch e Huffen anderscht gloffe,
het Voorstand und Obmaa zmitts im Ändspurt droffen
und sii immer wiider zue Ändrige zwunge…
Doch kaan ych saage: Daas isch euch glunge!
Drotz Covid, Baizestress und anderem unverhofftem Saich
sinn’s drey tolli Dääg gsii samt em Moorgestraich…
harmonisch, friidlig, aifach nur zem Gniesse,
au ooni dreimool s’Comité begriesse z’miesse.
Vyyle Dangg dr Glygge, em Voorstand und sym Chef,
s’isch e feyni, bsunderi Fasnacht gsii… und bref!